მექსიკის შტატ პუებლაში პიროტექნიკის აფეთქებას 14 ადამიანის სიცოცხლე ემსხვერპლა, 22-მა კი სხვადასხვა ხარისხის დაზიანება მიიღო - წერს Reuters. დაღუპულთა შორის, სულ მცირე, ხუთი მცირეწლოვანია. გავრცელებული ინფორმაციით, პიროტექნიკური რაკეტა, რომელიც ფესტივალის ორგანიზატორებმა გაუშვეს, იმ შენობის სახურავს დაეცა, სადაც ფესტივალისთვის განკუთვნილი პიროტექნიკა ინახებოდა. აფეთქების შედეგად, მთლიანად დაინგრა საცხოვრებელი სახლი. 9 ადამიანი ადგილზევე დაიღუპა, 5 კი საავადმყოფოში გადაყვანის შემდეგ.