ევროპარლამენტის წევრი ევროპის სახალხო პარტიიდან, ბულგარელი პოლიტიკოსი მარია გაბრიელი ევროკომისარი გახდება. ამის შესახებ ინფორმაცია ბულგარულ მედიაში ვრცელდება. მარია გაბრიელი კრისტალინა გეორგიევას ჩაანაცვლებს, რომელიც 2017 წლამდე ბიუჯეტის განკარგვისა და ადამიანური რესურსების საკითხებში ევროკომისარი იყო. 2017 წლის პირველი იანვრიდან კი, მსოფლიო ბანკის აღმასრულებელი დირექტორის პოსტს იკავებს.

მარია გაბრიელი ევროპის სახალხო პარტიის წევრი 2009 წლიდანაა. 2014-წლიდან კი, მისი ვიცე-პრეზიდენტი და ბულგარეთის დელეგაციის ხელმძღვანელია. ის იყო ევროპარლამენტის მომხსენებელი საქართველოსა და უკრაინისთვის უვიზო რეჟიმის მინიჭების საკითხზეც.