მაისი 10, 2017
186
სირიის ქალაქ რაქაში ტერორისტულ ორგანიზაცია ე.წ. ისლამურ სახელმწიფოსთან საბრძოლველად, აშშ სირიელ ქურთებს სამხედრო შეიარაღებას გადასცემს.
BBC-ის ინფორმაციით, შესაბამის ბრძანებას აშშ-ის პრეზიდენტმა, დონალდ ტრამპმა ხელი უკვე მოაწერა.
სირიის დემოკრატიული ძალების შემადგენლობაში მებრძოლი ქურთული სამხედრო დანაყოფები, ისლამისტებისგან ქალაქ რაქას გათავისუფლების ოპერაციაში მონაწილეობენ. თეთრ სახლში აცხადებენ, რომ ქურთების აღჭურვა გამარჯვების საწინდარი გახდება.
ქურთებისთვის იარაღის გადაცემას ხშირად ეწინააღმდეგება თურქეთი. ქურთ მებრძოლებს ანკარა ტერორისტებად განიხილავს.
გავრცელებული ცნობით, აშშ-ის თავდაცვის მდივანი უკვე ესაუბრა თურქეთის თავდაცვის მინისტრს, თუმცა დეტალები ცნობილი არ არის.
მაჩვენე მეტი