უწყვეტი კადრი: რა ხდებოდა თბილისის ცენტრში, სადაც დაპირისპირებაში გადასული აქცია მოქალაქეების დაკავებით დასრულდა

პარლამენტის შენობასთან მიმდინარე აქციაზე მონაწილეებსა და სამართალდამცველებს შორის დაპირისპირება მოხდა. საფინანსო კორპორაცია "საქართველოს" მიერ დაზარალებულებმა რუსთაველის გამზირის გადაკეტვა სცადეს, რისი საშუალებაც პოლიციამ არ მისცა. აღნიშნულმა აქციის მონაწილეების გაღიზიანება გამოიწვია.

Palitravideo.ge-ს კორესპონდენტი, რომელიც ადგილიდან მაუწყებლობდა, იუწყება, რომ დაკავებულია აქციის 3 მონაწილე, მათ შორის, ერთი ქალი.

აქციაზე ასევე შეუძლოდ გახდა რამდენიმე მომიტინგე, რის გამოც ადგილზე სასწრაფო-სამედიცინო დახმარების ბრიგადის გამოძახება გახდა საჭირო.

დაპირისპირების გამო რუსთაველის გამზირზე მოძრაობა დროებით გადაკეტილი იყო. ამ წუთებში მოძრაობა მხოლოდ ნაწილობრივაა შეზღუდული.

ავტორი: ნიკა საჯაია