აშშ და რუსეთი აგრძელებენ დიალოგს სხვადასხვა საკითხზე – ამის შესახებ აშშ-ის სახელმწიფო მდივანმა, რექს ტილერსონმა ვაშინგტონში, რუსეთის საგარეო საქმეთა მინისტრ, სერგეი ლავროვთან შეხვედრის შემდეგ განაცხადა.
Reuters-ის ინფორმაციით, დახურული შეხვედრის შემდეგ გამართულ პრესკონფერენციაზე, დიპლომატებმა განხილული საკითხების შესახებ დეტალურად არ ისაუბრეს. მოკლე კომენტარი მხოლოდ ტილერსონმა გააკეთა. რუსეთის საგარეო უწყების ხელმძღვანელმა ჟურნალისტის კითხვაზე, ხომ არ გადაფარა მოლაპარაკებები ფედერალური ბიუროს ხელმძღვანელის გადაყენების თემამ, ხუმრობით უპასუხა. მანამდე მედიაში ვრცელდებოდა ინფორმაცია, რომ ტილერსონისა და ლავროვის შეხვედრაზე განხილვის მთავარი თემა სირიის ომი და უკრაინის კრიზისი იქნებოდა.
აშშ-ის სახელმწიფო მდივანთან შეხვედრის შემდეგ, სერგეი ლავროვი დღესვე, აშშ-ის პრეზიდენტ, დონალდ ტრამპს შეხვდება.