საქართველოს „სოლიდარობის ფონდს“ ერისთავის სახელობის ექსპერიმენტული და კლინიკური ქირურგიის ეროვნულ ცენტრი შეუერთდა.

ურთიერთთანამშრომლობის მემორანდუმის თანახმად, ქირურგიის ცენტრის თანამშრომლები ყოველთვიურად განახორციელებენ ნებაყოფლობით დონაციას ფონდში სიმსივნით დაავადებული ბავშვებისა და 22 წლამდე ასაკის ახალგაზრდების დასახმარებლად.

2014 წლის 1 ივლისიდან 2017 წლის 30 აპრილის ჩათვლით, ქვეყნის მასშტაბით, 700-ზე მეტი საჯარო უწყების და 62 ორგანიზაციის, მათ შორის 51 კერძო კომპანიის მხარდაჭერით, ფონდში 9.8 მილიონი ლარია მობილიზებული.

სოლიდარობის ფონდმა სიმსივნით დაავადებული 379 ბავშვი და 22 წლამდე ახალგაზრდა დააფინანსა.