ტყიბულში მინდელის სახელობის შახტაში გარდაცვლილებს ქუთაისში ექსპერტიზა უტარდება. 13- საათიანი სამაშველო ოპერაციის შემდეგ ოთხივე პირი მაშველებმა გარდაცვლილი იპოვეს.

მომხდარზე აღძრულია სისხლის სამართლის საქმე. მიმდინარეობს გამოძიება. 4 ადამიანის სიცოცხლე მინდელის სახელობის შახტაში გეგმური სამუშაოების შესრულებას ემსხვერპლა.

9 მაისს კომპანია „საქნახშირში“ დასაქმებულები ნახშირის ამომღები მოწყობილობის ბაგირს ცვლიდნენ რა დროსაც მოწყობილობა მოწყდა და ოთხივე პირი შახშტში ჩაიყოლა.

სამთო მაშველებს სამას მეტრზე მეტი სიღრმიდან გარდაცვლილების ამოსაყვანად 13 საათი დასჭირდათ. მაშველები მთელი ღამის განმავლობაში მუშაობდნენ.