ევროპის რეკონსტრუქციისა და განვითრების ბანკი, წელს რუსეთში ახალ პროექტებს არ დააფინანსებს. ამის შესახებ ბანკის პრეზიდენტმა სუმა ჩაკრაბარტიმ, კვიპორსზე, ბანკის ყოველწლიური კონფერენციის შემდეგ გამართულ პრეს-კონფერენციაზე განაცხადა.

მისივე თქმით, გადაწყვეტილება არ არღვევს რუსეთთან ურთიერთობის წესებს და ბანკი მომავალში თანამშრომლობას ისევ გააგრძელებს.

რუსეთის ეკონომიკის მინისტრმა ბანკის ქმედება დისკრიმინაციულად შეაფასა და ბანკს კონსტრუქციული დიალოგისკენ მოუწოდა.

რუსეთი ევროპის რეკონსტრუქციისა და განვითარების ბანკის ერთ-ერთი აქციონერია, მაგრამ ბანკმა 2014 წელს, ყირიმის ანექსიის შემდეგ, დაწესებული სანქციების ფარგლებში რუსეთში პროექტების განხორციელება შეაჩერა.