ბრაზილიის მთავრობამ „ზიკას“ ვირუსთან დაკავშირებით გამოცხადებული საგანგებო მდგომარეობა გააუქმა, რომელიც ქვეყანაში 2015 წლიდან ამოქმედდა.

ჯანდაცვის სამინისტრო განცხადებას ავრცელებს, სადაც წერია, რომ ვირუსის გადამტანი კოღოები, მთელი ქვეყნის მასშტაბით, თითქმის განადგურებულია, რამაც ინფიცირების რისკი მნიშვნელოვნად შეამცირა.

2017 წელს ბრაზილიაში „ზიკას“ ვირუსით ინფიცირების 8 ათასამდე შემთხვევა დაფიქსირდა, ხოლო შარშანდელი მონაცემებით, ეს რიცხვი 170 ათასს აჭარბებდა.