მადრიდში, ვენესუელის საელჩოსთან, საპროტესტო აქციები მიმდინარეობს. თავდაპირველად საელჩოსთან პრეზიდენტ ნიკოლას მადუროს მხარდამჭერები შეიკრიბნენ, თუმცა მოგვიანებით ტერიტორიაზე მისი მოწინააღმდეგეებიც გამოჩნდნენ.

დემონსტრანტები ქვეყანაში შექმნილ ვითარებას აპროტესტებდნენ. საელჩოსთან ინციდენტიც მოხდა, დიპლომატიური უწყებიდან გამოსულ ერთ-ერთ პირს საპროტესტო აქციის მონაწილე დაესხა თავს და ყელის არეში მცირე დაზიანება მიაყენა.

მომხდარის გამო დიპლომატიური კორპუსის წარმომადგენლები შენობის დატოვებას ვეღარ ახერხებენ და ხელისუფლებისგან საელჩოში მყოფი დიპლომატების უსაფრთხოების დაცვის უზრუნველყოფას მოითხოვენ.