პატიმართა წამების საქმეში ბრალდებულების ნაწილი დუმს, ნაწილი ბრალს არ აღიარებს. მათ შორისაა ნუგზარ მარღია, რომელმაც შესაძლოა ჩვენება შეცვალოს. სხვა შემთხვევაში ადვოკატი მის დაცვაზე უარს განაცხადებს.

მოსამართლემ პროკურატურის შუამდგომლობა დააკმაყოფილა და ექვსივე დაკავებულს აღკვეთის ღონისძიებად პატიმრობა შეუფარდა.

ათეულობით მოწმის ჩვენების საფუძველზე გლდანის ციხის ყოფილი თანამშრომლები პატიმრების მიმართ არაადამიანურ მოპყრობაში არიან ბრალდებულები. საუბარია 2011-12 წლებზე. ამ ეტაპზე საქმეს 7 დაზარალებული ჰყავს.