პოლიტიკოსები „ენ-დი აის“ მიერ გამოქვეყნებულ ციფრებზე დავობენ. მმართველი პარტიის ლიდერები საზოგადოებრივი კვლევის ახალ შედეგებს ამჯერადაც უნდობლობას უცხადებენ.
საგარეო პრიორიტეტები, საფრთხეები და გამოწვევები- ძირითადად ამ საკითხებს ეთმობა აპრილში ჩატარებული გამოკითხვა, რომლის მიხედვით, რესპონდენტთა 40%-სთვის საქართველოში დემოკრატია არ არის.
გამოკითხულთა უმრავლესობის აზრით, ქვეყნისთვის ყველაზე დიდ საფრთხეს რუსეთი წარმოადგენს. ჩამონათვალშია რუსული აგრესია, პროპაგანდა და ტერორიზმიც.
ამავე კვლევის მიხედვით, შემცირებულია ევრაზიულ კავშირში გაწევრიანების მომხრეთა რაოდენობა. ისევ მაღალია ნატოსა და ევროკავშირში ინტეგრაციის მხარდამჭერთა მაჩვენებელი, თუმცა ამავე კვლევის მიხედვით, რესპონდენტების 42%-სთვის საბჭოთა კავშირის დაშლა ნეგატიური მოვლენაა.
პოლიტიკოსების და პარტიების რეიტინგები ორშაბათს გამოქვეყნდება.