ჩინეთი ამერიკულ კომპანიებს საკუთარ ბაზარზე წვდომას უზრდის, შესაბამისად, უფრო ფართოდ გაუღებს კარს ამერიკულ აგრარულ და ბიოტექნოლოგიურ პროდუქციას, ასევე ფინანსურ სექტორს, მათ შორის საგადასახადო სისტემებსა და სარეიტინგო სააგენტოებს.
სანაცვლოდ, ჩინური კომპანიები შეერთებულ შტატებში თხევადი ბუნებრივი აირის გაზრდილ მოცულობებს შეიძენენ. გარდა ამისა, შტატები ჩინეთიდან შემოსული ფრინველის ხორცის იმპორტს ბარიერებს მოუხსნის.
როგორც ამერიკის ვაჭრობის მდივანმა ვილბურ როსმა განაცხადა, აღნიშნული გარიგება ჩინეთთან ამერიკის დიდი სავაჭრო დეფიციტის შემცირების გეგმის ნაწილია.
ჯერჯერობით უცნობია, ამ გარიგების შედეგად რამდენად გაიზრდება ვაჭრობა მსოფლიოს ორ უმსხვილეს ეკონომიკას შორის, თუმცა, როსი ვარაუდობს, რომ წლის ბოლომდე ჩინეთთან არსებულ სავაჭრო დეფიციტს უკვე დაეტყობა შემცირება.