ქვეყანაში ევროკავშირისა და ნატო-ს მხარდაჭერა მზარდია, რუსეთი კი საფრთხედ აღიქმება - ”ენ დი აი” კვლევის შედეგებს აქვეყნებს.

ეროვნულ-დემოკრატიულმა ინსტიტუტმა, ორგანიზაცია “სი არ არისთან” ერთად საზოგადობა გამოკითხა.

კითხვაზე არის თუ არა საქართველოში დემოკრატია - გამოკითხულთა 51 პროცენტი თვლის, რომ არის. 40 პროცენტის პასუხი უარყოფითია. არ ვიცის კი პასუხობს მოსახლეობის 8 პროცენტი.

რაც შეეხება საქართველოს საგარეო კურსს, მისაღებია თუ არა მთავრობის გაცხადებული მიზანი, საქართველო გახდეს ევროკავშირის წევრი, გამოკითხულთა 80 პროცენტისთვის მისაღებია. მიუღებელია 12 პროცენტისთვის. ასევე, 68 პროცენტი იზიარებს მთავრობის გაცხადებულ მიზანს ნატო-ში გაწევრიანების შესახებ. შეკითხვას უარყოფითად პასუხობს 21 პროცენტი.

გამოკითხული მოსახლეობის 63 პროცენტი კი ამბობს, რომ საქართველოსთვის ყველაზე დიდ საფრთხეს რუსეთი წარმოადგენს. 42 პროცენტი თვლის, რომ საბჭოთა კავშირის დაშლა ცუდი მოვლენა იყო.

კვლევა 2017 წლის 7- 28 აპრილს ჩატარდა. საქართველოს მასშტაბით, 2 ათას 493 პირი გამოიკითხა. გამოკითხვის ცდომილების ზღვარი +/- 2.7 %