ამერიკის შეერთებულ შტატებში საგამოძიებო ფედერალური ბიუროს დირექტორის თანამდებობისთვის შესარჩევ ინტერვიუს გენერალური პროკურორი ჯეფ სეშენსი და მისი მოადგილე როდ როზენშტეინი უძღვებიან.

ამერიკული მედიის ინფორმაციით, ამ დროისთვის თერთმეტმა კანდიდატმა უკვე გაიარა გასაუბრება, მათ შორისაა საგამოძიებო ფედერალური ბიუროს ყოფილი დირექტორის მოადგილე ენდრიუ მაკკეიბი.

თეთრ სახლში ანონიმურ წყაროზე დაყრდნობით, ტელეკომპანია Fox News ვარაუდობს, რომ ყოფილ დირექტორს, ჯეიმს კომის, რომელიც პრეზიდენტმა დაკავებული თანამდებობიდან 10 მაისს გაათავისუფლა, რესპუბლიკელი სენატორი ჯონ კორნინი შეცვლის. პროფესიით იურისტ კორნინს 1999-2002 წლებში ტეხასის შტატის მთავარი პროკურორის თანამდებობა ეკავა.