13 მაისი ქართული ფეხბურთის გულშემატკივრებისთვის მნიშვნელოვანი თარიღია. 1981 წლის 13 მაისს,დიუსელდორფში ევროპის თასების მფლობელთა თასის ფინალში, თბილისის “დინამომ” ვლადიმერ გუცაევისა და ვიტალი დარასელიას გოლებით, გერმანელები 2:1 დაამარცხა და პრესტიჟული ევროპული ტიტულის მფლობელი გახდა.

საღამოს 6 საათზე, გულშემატკივრების ინიციატივით, „დინამო არენაზე“ ამ ისტორიული მატჩის ჩვენება გაიმართება.

ღონისძიებას ვეტერანი და მოქმედი ფეხბურთელები, "დინამოს" აკადემიის ბავშვები და გულშემატკივრები დაესწრებიან.