საქართველოს საფეხბურთო ჩემპიონატის მე-12 ტური ფოთის კოლხეთი 1913-სა და ქუთაისის ტორპედოს შეხვედრით გაიხსნა. სტუმრებმა 3:0 მოიგეს და სატურნირო ცხრილში მეორე ადგილზე დაწინაურდნენ.

დუბლი შეასრულა ტორპედოელმა თორნიკე კაპანაძემ. 88-ე წუთზე ფოთელთა სენეგალელი ლეგიონერი, არფანგ დაფე დაშავდა, მაგრამ დისკვალიფიცირებულთა და ტრავმირებულთა სიმრავლის გამო, კოლხეთს სათადარიგოთა სკამზე შემცვლელი მოთამაშე არ ჰყავდა და შეხვედრა 10 მოთამაშით დაასრულა.

დღეს ტურის კიდევ 4 მატჩი გაიმართება: საზოგადოებრივი მაუწყებლის 1 არხი გორიდან დილასა და თბილისის დინამოს შეხვედრის პირდაპირ რეპორტაჟს შემოგთავაზებთ. მატჩი 17:25 წუთზე დაიწყება.