რიგით 62-ე ევროფესტივალის გამარჯვებული პორტუგალიის წარმომადგენელი სალვადორ სობრალი გახდა სიმღერით - Amar Pelos Dois, რასაც კულისებში ოვაციები მოჰყვა.

სალვადორ სობრალმა საფინალო კონცერტის დასასრულს სიმღერა Amar Pelos Dois ამჯერად დასთან, ლუიზა სობრალთან ერთად შეასრულა. სიმღერის ავტორი სწორედ ლუიზა სობრალია.

ცნობილია, რომ სალვადორ სობრალს გულის პრობლემები აქვს. იგი გულის გადანერგვის რიგში დგას და მისი ჯანმრთელობის მდგომაროება საკმაოდ რთულია. რეპეტიციების დროს კი, მას და ეხმარებოდა.

უმაღლესი 12 ქულა პორტუგალიას შემდეგი ქვეყნების ჟიურიმ მისცა: შვედეთი, სან მარინო, ლატვია, ისრაელი, ესპანეთი, საფრანგეთი, ლიტვა, სომხეთი, ისლანდია, შვეიცარია, ჰოლანდია, საქართველო, უნგრეთი, ბულგარეთი, სლოვენია, პოლონეთი, დიდი ბრიტანეთი, ჩეხეთი. მაყურებელმა პორტუგალიას 376 ქულა მისცა, ჯამში კი, გამარჯვებულმა 758 ქულა დააგროვა.