საქართველოს 17-წლამდელ წყალბურთელთა ნაკრები ევროპის ჩემპიონატის ფინალურ ეტაპზე გავიდა. შესარჩევი ჯგუფის თამაშებს თბილისის სპორტულმა კომპლექსმა ოლიმპიკმა უმასპინძლა.

საქართველოს ნაკრებმა ტურნირი წარმატებით ჩაატარა და 100-პროცენტიანი შედეგი აჩვენა.

რევაზ ჩომახიძის გუნდმა დაამარცხა შვეიცარია 10:3, კვიპროსი 26:4, ხოლო საფრანგეთი - 7:1.

გუნდმა დღეს ჩეხეთთან მატჩიც მაღალ დონეზე ჩაატარა, მეტოქე 10:3 დაამარცხა და ევროპის ჩემპიონატის ფინალურ ეტაპზე გავიდა, რომელსაც სექტემბერში მალტა უმასპინძლებს.