მომხდარ ფაქტს აღმაშფოთებელს უწოდებს მესამე სექტორი და საქმის დროულ და მიუკერძოებელ გამოძიებას ითხოვს.

არასამთავრობო ორგანიზაციები განცხადებას ავრცელებენ და პარლამენტს დროებითი საგამოძიებო კომისიის შექმნას სთხოვენ. საგამოძიებო ორგანოებს კი მოუწოდებენ, გაასაჯაროონ ინფორმაცია ამ დრომდე განხორციელებული საგამოძიებო მოქმედებების შესახებ; ასევე განცხადების ავტორები, მთავრობას მიმართავენ დროულად გადაიდგას ნაბიჯები დაუსჯელობის პრობლემასთან ბრძოლისთვის.

შინაგან საქმეთა სამინისტროს ინფორმაციით, საქმეზე გამოძიება სისხლის სამართლის კოდექსის 126-ე მუხლის პირველი ნაწილით აღიძრა, რაც ძალადობას გულისხმობს.