მაისი 15, 2017
121
სლოვაკეთში საქართველოს პრეზიდენტის ოფიციალური ვიზიტი გრძელდება. გიორგი მარგველაშვილის დახვედრის ოფიციალური ცერემონია სლოვაკეთის პრეზიდენტის სასახლეში გაიმართა.
საქართველოს და სლოვაკეთის პრეზიდენტებმა სლოვაკეთის სახელმწიფო დროშას პატივი მიაგეს და დელეგაციის წევრები წარადგინეს.
გიორგი მარგველაშვილმა ოფიციალური ცერემონიის დასრულების შემდეგ საპატიო სტუმართა წიგნში ჩანაწერი გააკეთა და ანდრეი კისკასთან პირისპირ შეხვედრა გამართა.
პრეზიდენტებმა ორ ქვეყანას შორის ურთიერთობების განვითარების და გაღრმავების საკითხებზე ისაუბრეს. საუბარი შეეხო რუსულ აგრესიასაც.
შეხვედრისას გიორგი მარგველაშვილმა ხაზი გაუსვა შავი ზღვის რეგიონის სტაბილური განვითარებისა და უსაფრთხოების სტრატეგიულ მნიშვნელობას ევროპისათვის.
მაჩვენე მეტი