„დავიცვათ ქართული მიწა“ - ამ სლოგანით ფილარმონიასთან აქცია გაიმართა.
აქციის მონაწილეები მოითხოვენ, რომ კონსტიტუციაში შევიდეს ცვლილება მიწის გასხვისებასთან დაკავშირებით.
ისინი ითხოვენ უცხო ქვეყნის მოქალაქეებზე მიწები არ გაიყიდოს.
როგორც აქციაზე განაცხადეს, დაშვებული უნდა იყოს მიწების მხოლოდ იჯარით გასხვისება.
როგორც აქციის ერთ-ერთმა მონაწილემ აღნიშნა, თუ მათი მოთხოვნა არ დაკმაყოფილდება, საპროტესტო აქციებს გააგრძელებენ.
აქციაში მონაწილეობდნენ საქართველოს პირველი პრეზიდენტის შვილი ცოტნე გამსახურდია, აგრეთვე, ლადო სადღობელაშვილი, გაზეთ „ასავალ-დასავალის“ ჟურნალისტები ზაზა დავითაია, გიორგი გიგაური და კიდევ რამდენიმე პირი.
ისინი ფილარმონიაშიც იმყოფებოდნენ, სადაც საკონსტიტუციო ცვლილებებზე საერთო-სახალხო განხილვა არ შედგა.