საუდის არაბეთი და რუსეთი მზად არიან, ნავთობის მოპოვება კიდევ 9 თვით შეამცირონ. ორი ქვეყნის ენერგეტიკის მინისტრების ერთობლივ განცხადებაში ნათქვამია, რომ შეთანხმების მთავარი მიზნის – ბაზრის სტაბილიზაციის მისაღწევად, აუცილებელია არსებული შეთანხმება, რომელსაც ოპეკის წევრების გარდა, ორგანიზაციის არაწევრი ქვეყნებიც შეუერთდნენ, კიდევ ცხრა თვით, 2018 წლის 31 მარტამდე გაგრძელდეს.

ამ განცხადების გავრცელების შემდეგ, ნავთობის ფასი 2 პროცენტით გაიზარდა და ბრენტის ტიპის ნავთობზე ბარელზე 51 დოლარი და 88 ცენტი შეადგინა, ამერიკულ ნედლ ნავთობზე კი 48 დოლარი და 85 ცენტი. ოპეკის მორიგი შეხვედრა 25 მაისს ვენაში გაიმართება.