იანვარ-აპრილში საქართველოში საგარეო სავაჭრო ბრუნვამ 3 მილიარდ 91 მილიონი დოლარი შეადგინა, რაც წინა წლის შესაბამისი პერიოდის მაჩვენებელზე 17 პროცენტით მეტია.

"საქსტატის" ცნობით, უცხოეთის ბაზრებზე, ექსპორტის მოცულობამ 788 მლნ დოლარი შეადგინა, ზრდა 30%-ია. მხოლოდ აპრილში ექსპორტზე 212 მლნ დოლარის პროდუქცია გავიდა, რაც წლის მაქსიმუმია. ამავე პერიოდში 13 პროცენტით გაიზარდა იმპორტი.

უარყოფითმა სავაჭრო ბალანსმა კი აღნიშნულ პერიოდში, სავაჭრო ბრუნვის 49 პროცენტი შეადგინა. დეტალურ მონაცემებს საქსტატი 19 მაისს გამოაქვეყნებს.