პარტიების განადგურება თუ პარტიული სისტემის განვითარება: სადავოა საკონსტიტუციო ცვლილებების პროექტის ის ნაწილიც, რომლის მიხედვით, ქვეყანაში საარჩევნო ბლოკების შექმნა აიკრძალება.

მმართველი გუნდი ინიციატივას იმ არგუმენტით ამყარებს, რომ ბლოკში გაერთიანებული, თუმცა პოლიტიკურად პასიური პარტიები კვალიფიციური სუბიექტის სტატუსს იღებენ და საბიუჯეტო დაფინანსებითაც სარგებლობენ. განმარტება მიუღებელია ოპოზიციისთვის, რომელიც პოლიტიკური ველიდან პარტიების გაქრობას პროგნოზირებას. მით უმეტეს იმ ფონზე, რომ საარჩევნო ბარიერი არ იწევს და ის კვლავ 5%-ი იქნება.

ბოლო არჩევნების შედეგად, ყოველ წელს ბიუჯეტიდან სოლიდური თანხით 20 პარტია ფინანსდება, თუმცა მათგან პარლამენტში მხოლოდ ოთხია წარმოდგენილი.