შეისწავლის თუ არა თორდია-ფარცხალაძის დაპირისპირების საკითხს პარლამენტის საგამოძიებო კომისია - საკითხი საკანონმდებლო ორგანის ბიუროს სხდომაზე კამათის მიზეზი გახდა.

პოზიციების განსხვავების მიუხედავად, ოპოზიციის ინიცირებული საკითხი პარლამენტის დღის წესრიგში მოხვდა. მას ჯერ საკომიტეტო, შემდეგ კი პლენარულ სხდომაზე განიხილავენ.

უმცირესობა თვლის, რომ სახელმწიფო აუდიტის სამსახური განსაკუთრებული იმუნიტეტით სარგებლობს, მომხდარი ინციდენტი კი საზოგადოებასა და მოქალაქეებში დაუცველობისა და დაუსჯელობის განცდას აჩენს.

უმრავლესობა საგამოძიებო კომისიის შექმნამდე მიმდინარე მოკვლევის დასრულების აუცილებლობაზე აკეთებს აქცენტს.