საკონსტიტუციო ცვლილებების საყოველთაო-სახალხო განხილვის ფორმატი შეიცვალა. საორგანიზაციო კომისიის გადაწყვეთილებით განიხლვა თბილისში 29-30 მაისს დასრულდება . თუმცა საკითხს არა გაფართოებულ ფორმატში, არამედ 10 სხვადასხვა რაიონში ცალ-ცალკე განიხილავენ
ასევე შედგება შეხვედრა პოლიტიკურ პარტიებთანაც. მანამდე განხილვა რეგიონებში გაგრძელდება. ქვეყნის უზენაეს კანონში დაგეგმილ ცვლილებებს ზესტაფონში, სიღნაღში, ხულოში, მარნეულში, ახალქალაქში, ოზურგეთში, ფოთში, ყაზბეგში და მესტიაში განიხილავენ.
ამის შემდეგ პროცესი პარლამენტში გაგრძელდება. მოსალოდნელია, რომ საკანონმდებლო ორგანოში, ოპოზიციის გარდა, ერთი კონკრეტული მიმართულება მწვავე დისკუსიის მიზეზი გახდეს უმრავლესობაშიც. საქმე მაჟორიტარული არჩევნების გაუქმებას ეხება.