კომპანია „ფორდი“, გლობალური მასშტაბით, მუშახელის 10 პროცენტით შემცირებას გეგმავს, რითაც შემცირებული მოგების წახალისებას და აქციებზე მკვეთრად დავარდნილი ფასის ზრდას ისახავს მიზნად.

ინფორმაციას "ვოლ სტრიტ ჯორნალი" ავრცელებს, თუმცა კომპანიაში შემცირებაზე კომენტარს ჯერ-ჯერობით არ აკეთებენ.

„ფორდი“ მხოლოდ იმას ადასტურებს, რომ ხარჯების შემცირება მისი სტრატეგიის ნაწილია, რომელიც მოგების ზრდაზეა ფოკუსირებული.

კომპანიის შემოსავალი, წლის პირველ კვარტალში, 42 პროცენტით დავარდა, ხოლო აქციების ფასი 2014 წლიდან დღემდე 36 პროცენტით გაუფასურდა.