მსჯავრდებულთა მონაწილეობით რუსთაველის თეატრში სპექტაკლი 12 განრისხებული მამაკაცი დაიდგა. სპექტაკლში სულ 18 პატიმარი მონაწილეობს, მათ შორის რამდენიმე უცხო ქვეყნის მოქალაქეა.

12 განრისხებული მამაკაცის ადაპტირებული სცენარის რეჟისურა და მუსიკა თავად მსჯავრდებულებს ეკუთვნით.

მამაკაც მსჯავრდებულთა მონაწილეობით თეატრალური დასი მე-17 პენიტენციურ დაწესებულებაში ჩამოყალიბდა. მოგვიანებით, სასჯელაღსრულებისა და პრობაციის მინისტრის გადაწყვეტილებით მთლიანი დასი მე-16, დაბალი რისკის დაწესებულებაში გადაიყვანეს.

სპექტაკლს საქართველოს პრემიერ-მინისტრი, მთავრობის წევრები და საქართველოს კათოლიკოს-პატრიარქი დაესწრნენ.