ანკარა არ აპირებს ქურთების შეიარაღებული ფორმირებების ინტერესების გათვალისწინებას, სირიის კონფლიქტის დარეგულირების საკითხებში – ამის შესახებ თურქეთის პრეზიდენტმა ვაშინგტონში პრესკონფერენციაზე, პრეზიდენტ დონალდ ტრამპთან გამართული შეხვედრის შემდეგ განაცხადა.
მისი თქმით, ეს ეწინააღმდეგება გლობალურ შეთანხმებას, რის გამოც ამ ჯგუფებს რელიგიური და ეთნიკური თვალსაზრისით, მანიპულირების საშუალება არ უნდა მიეცეთ.
ოფიციალურ შეხვედრაზე ტრამპმა და ერდოღანმა ქვეყნებს შორის ორმხრივი ურთიერთობები და ტერორიზმის წინააღმდეგ თანამშრომლობის გაღრმავების საკითხები განიხილეს.
დონალდ ტრამპმა თურქეთის ლიდერს 2016 წლის ოქტომბერში დაკავებული პასტორის, ენდრიუ ბრანსონის გათავისუფლება და შეერთებულ შტატებში დროულად დაბრუნებაც სთხოვა.
თავის მხრივ, ერდოღანმა ტრამპი ოჯახთან ერთად თურქეთშიც მიიწვია.