ბათუმის 11-12 მარტის მოვლენებზე დაკავებული 8 პირის სასამართლო პროცესი დღეს გაიმართება. მათ გამოძიება მასობრივ არეულობაში მონაწილეობასა და პოლიციელებზე თავდასხმას ედავება.

დღეს საქმის არსებითი განხილვა იწყება. პროცესზე მტკიცებულებების გამოკვლევა მოხდება. ადვოკატები მათი დაცვის ქვეშ მყოფების უდანაშაულობაზე საუბრობენ, თუმცა არ უარყოფენ, რომ ისინი აქციაზე იყვნენ.

რაც შეეხება დანარჩენი პირების საქმეს, მათი სასამართლო პროცესი 19 მაისს არის ჩანიშნული.

ბათუმის მოვლენებზე სულ 20 პირია დაკავებული. აქედან ერთი არასრულწლოვანია. ორს-მერაბ ღოღობერიძესა და ირაკლი ჩხვირკიას გამოძიება აქციის ორგანიზებას ედავება.