FBI-ის შეფის მოულოდნელად გადაყენების გამო, დონალდ ტრამპი მორიგ სკანდალში ეხვევა. NY Times ამტკიცებს, რომ ჯეიმს კომის თანამდებობა რუსეთთან პრეზიდენტის მრჩევლის საეჭვო კონტაქტების გამოძიების საქმეს შეეწირა.

თეთრი სახლი გამოცემის ვერსიას კატეგორიულად უარყოფს, ნიუ იორკ თაიმსი კი პოზიციას საკუთარი წყაროთი ამყარებს, რომლის მიხედვით, ტრამპსა და კომს შორის არსებული დიალოგის ჩანაწერიც არსებობს.

დეტალების გარკვევამდე აშშ პრეზიდენტს განმარტებების გაკეთება კიდევ ერთ სკანდალზე უხდება. ვაშინგტონ პოსტის მტკიცებით, ბოლო შეხვედრაზე ტრამპმა რუსეთის პირველ დიპლომატს ტერორიზმთან დაკავშირებით საიდუმლო ინფორმაცია გადასცა.