ყოფილმა მთავარმა პროკურორმა გამომძიებლების კითხვებს უპასუხა. ოთარ ფარცხალაძემ პოლიციის განყოფილება ხუთსაათიანი გამოკითხვის შემდეგ დატოვა.
მეხუთე საათია პოლიციის განყოფილებაში ოთარ ფარცხალაძეს კითხავენ.
პირველ სატელევიზიო კომენტარში ექსმაღალჩინოსანი ლაშა თორდიას ცემის ფაქტს კატეგორიულად უარყოფს და შემთხვევას რამდენიმეწამიან ინციდენტად აფასებს.
13 მაისს მომხდარ კონფლიქტზე ფარცხალაძე ჩვენებას მოწმის სტატუსით აძლევს.
ყოფილი მთავარი პროკურორის განცხადებისგან რადიკალურად გასხვავებულია სახელმწიფო აუდიტორის ვერსია. ლაშა თორდია თავდასხმაში პირადად ოთარ ფარცხალაძეს ადანაშაულებს და მომხდარს ფარცხალაძის ქონებასთან დაკავშირებით აუდიტის სამსახურის მიერ გამოსაქვეყნებელ დასკვნას უკავშირებს.
ურთიერთგამომრიცხავი ვერსიების ფონზე გაჩენილ ყველა კითხვას პასუხი სათვალთვალო კამერების ჩანაწერებმა უნდა გასცეს, რომლებიც შემთხვევის ადგილიდან უკვე ამოღებულია.