თეთრ სახლში პოლიტიკური სკანდალის ფონზე, დოლარის კურსმა მსოფლიოს წამყვანი ექვსი ვალუტის მიმართ ვარდნა განიცადა, ოქროს ფასი კი ლონდონის ბირჟაზე ბოლო ორი კვირის მაქსიმუმამდე გაიზარდა.

ანალიტიკოსების აზრით, დოლარის გაუფასურება, შტატების პრეზიდენტის დონალდ ტრამპის ირგვლივ ბოლო დღეებში განვითარებულმა პოლიტიკური სკანადალების ტალღამ გამოიწვია, რადგან ინვესტორებმა დაკარგეს ნდობა, რომ ტრამპი ბიზნესგარემოს წაახალისებს.

პესიმისტურ პროგნოზებს აკეთებენ დასავლეთის წამყვანი საინვესტიციო ბანკები და ვალუტით მოვაჭრეები. ანალიტიკოსების ვარაუდით, მოსალოდნელია, რომ მაისის ბოლომდე ამერიკული დოლარი ევროს, იენისა და კანადური დოლარის მიმართ 2 პროცენტით გაუფასურდეს, თუმცა ივნისისთვის, შესაძლოა, დასტაბილურდეს.