გელა ხვედელიძის ადვოკატების თქმით, მათ ხვედელიძეზე სავარაუდო თავდამსხმელების იდენტიფიცირება მოახდინეს. ადვოკატები შესაბამის ვიდეომასალასაც ავრცელებენ, რომელიც მათი მტკიცებით, 3 აპრილს, თავდასხმის დღეს სათვალთვალო კამერითაა გადაღებული.

უფლებადამცველების ინფორმაციით, ეს ინფორმაცია პროკურატურისთვისაც ცნობილია, თუმცა ფაქტზე არ რეაგირებენ.

„2017 წლის 3 აპრილს სისხლის სამართლის საქმე აღიძრა გელა ხვედელიძის საქმეზე და ის დაზარაებულადაც ჩათვალეს. ჩვენ მოვითხოვეთ სათვალთვალო კამერების ჩანაწერების ამოღება. დააკმაყოფილეს ეს შუამდგომლობა, თუმცა დღემდე ვცდილობთ მოვიპოვოთ ბარნოვის ქუჩის მიმდებარედ არსებული კამერების მასალა, სადაც ჩანს, როგორ აყენებენ გელა ხვედელიძეს ფიზიკურ შეურაცხყოფას. მიუხედავად ამისა, ჩვენ მოვიპოვეთ, მასალა, სადაც ჩანს ავტომანქანა, შეგნებულად არ ვამბობთ ნომრებს და ველოდებით პროკურატურის ინფორმაციას. საგამოძიებო ორგანო გვეუბნება, რომ 10 კამერა ამოღებულია და ჯერ დათვალიერება მიდის. ჩვენი აზრით, პროცესი ჭიანურდება, მიმდინარეობს გარკვეული მასალების წაშლა. მოვუწოდებთ, რომ დაგვათვალიერებინონ ეს მასალა. ჩვენს მოპოვებულ მასალაში ნათლად ჩანს, თუ როგორ გადაადგილდება ორი პიროვნება, რომლებმაც ფიზიკური შეურაცხყოფა მიაყენეს გელას“, - განაცახადა გელა ხვედელიძის ადვოკატმა, ნათია კორკოტაძემ.