მე-6 მოწვევის ახალი პარლამენტის პირველი სხდომის პარალელურად, სომხეთის მთავრობა გადადგება.

კანონმდებლობის შესაბამისად, გადამდგარი პრემიერ-მინისტრი და მინისტრთა კაბინეტი უფლებამოსილებას ახალი მთავრობის ფორმირებამდე შეასრულებენ.

2 აპრილს გამართული საპარლამენტო არჩევნების თანახმად, სომხეთის პარლამენტში 4 პოლიტიკური პარტია შევიდა. 2015 წლის 6 დეკემბერს ჩატარებული რეფერენდუმის შედეგების მიხედვით, სომხეთი საპარლამენტო მმართველობაზე გადადის.

მთავრობის დათხოვნისა და დანიშვნის პროცედურები ჯერ კიდევ ძველი კანონის ძველი რედაქციით რეგულირდება და ახალ მმართველობაზე ქვეყანა სრულად 2018 წლიდან გადავა.

ახალი რეგულაციით პრეზიდენტის უფლებამოსილება წარმომადგენლობითი ხდება.