რუსთავში, მშვიდობის ქუჩაზე, სატვირთო ავტომობილების მძღოლები საპროტესტო აქციას მართავენ. მძღოლები გზის რეაბილიტაციას ითხოვენ. აქციის მონაწილეები ამბობენ, რომ გზა წლებია, ამორტიზებულია და მასზე მოძრაობა შეუძლებელია.

აქციის მონაწილეებს შეხვდა რუსთავის ვიცე-მერი. ნოდარ შეროზიას განმარტებით, ამ ქუჩაზე ორმული სამუშაოების დაწყება ისედაც იყო დაგეგმილი. ამ წუთებში მოლაპარაკებები მიმდინარეობს კომპანია „ბიპი“-სთან, რათა თანამონაწილეობის პრინციპით მოხდეს გზის რეაბილიტაცია.

შეროზია ვარაუდობს, რომ გზის კაპიტალური მშენებლობა ივნისის თვიდან დაიწყება. საუბარია მშვიდობის ქუჩის 2-კილომეტრიან მონაკვეთზე, რომელიც საწარმოო ზონაში მდებარეობს და თბილისი-რუსთავი გარდაბანს აკავშირებს.