გერმანელ სამხედროებს სურვილის შემთხვევაში შეუძლიათ თურქეთის ინჩირლიკის სამხედრო ბაზიდან წავიდნენ და ანკარა მათ დარჩენას არ სთხოვს,-ამის შესახებ თურქეთის საგარეო საქმეთა მინისტრმა განაცხადა. თუ წასვლა უნდათ, უბრალოდ უნდა დავემშვიდობოთ. ეს მათზეა დამოკიდებული – აღნიშნა მევლუთ ჩავუშოღლუმ.

თურქეთის საგარეო უწყების ხელმძღვანელმა გერმანიის ხელისუფლებას უპასუხა, რომელსაც თურქეთში მდებარე ნატო-ს ბაზის დატოვება სურს.

ბერლინმა აღნიშნული გადაწყვეტილება მას შემდეგ მიიღო, რაც გერმანელი დეპუტატები თურქეთმა ბაზაზე არ შეუშვა.

გერმანიის მთავრობა ალტერნატივად იორდანიას, კვიპროსსა და ქუვეითს განიხილავს.