საქართველოს რკინიგზამ ახალი Lean Six Sigma მეთოდოლოგიის დანერგვით, ორ თვეში 300 000 ლარის დაზოგვა მოახერხა. ამის შესახებ რკინიგზის საერთაშორიო პროექტების ადმინისტრაციის სამსახურის უფროსმა ზურაბ ბერიძემ განაცხადა.

„მეთოდოლოგიის მიზანი რკინიგზაში ხარვეზების იდენტიფიკაცია და საოპერაციო ხარჯების შემცირებაა. მეთოდოლოგია რომელის 50% უკვე განხორციელებული და ორ თვეში 300 000 ლარის ეკონომიკური ეფექტი მოგვცა“, - განაცხადა ზურაბ ბერიძემ.

რკინიგზის სამეთვალყურეო საბჭოს ხელმძღვანელის კოკა გუნცაძის განცხადებით, ახალი მეთოდოლოგიის დანერგვა საჭირო გახდა, რათა საქართველოს რკინიგზამ გლობალურ სატრანსპორტო ლოგისტიკურ ქსელებში ინტეგრაცია შეძლოს.

„გლობალურ სატრანსპორტო ლოგისტიკურ ქსელებში ინტეგრაცია გვავალდებულებს არა მხოლოდ ინფრასტრუქტურის, არამედ მართვის სიტემის გაუმჯობესებასაც. ექვსი სიგმის დანერგვა ემსახურება სწორედ სისტემის მოდერნიზაციას საოპერაციო ხარჯების დაზოგვას და დეფექტებისა და საწარმოო ხარვეზების იდენტიფიკაციას. მთავარია ხარისხის მართვის მაღალი სტანდარტი დავნერგოთ“ - განაცხადა კოკა გუნცაძემ.

საქართველოს რკინიგზამ Lean Six Sigma მეთოდოლოგიის დანერგვის ფარგლებში დღეს დაჯილდოების ცემერემონია გამართა, სადაც პროექტის მნიშვნელობაზე ისაუბრეს და საინჟინრო პერსონალს სერტიფიკატები გადასცეს.