სროლის ხმა ისმოდა გვიან ღამით ინფექციური საავადმყოფოს მიმდებარე ტერიტორიაზე. ჩამსხვრეულია სეფსისის ცენტრის ფანჯრები. შემთხვევის შედეგად არავინ დაშავებულა.

პაციენტების ინფრომაციით, პალატის ფანჯარას რამდენიმე ტყვია მოხვდა. კლინიკაში სამართალდამცავები დილამდე მუშაობდნენ. გასროლა, სავარაუდოდ, საავადმყოფოსთან მდებარე კორპუსიდან განხორციელდა. გავრცელებული ცნობით, დამნაშავე ნასვამ მდგომარეობაში იმყოფებოდა.

შინაგან საქმეთა სამინისტროში ჯერჯერობით არ ამბობენ, დაკავებულია თუ არა ინციდენტში მონაწილე პირი. გამოძიება 187-ე მუხლით მიმდინარეობს რაც ნივთის განზრახ დაზიანებას ან განადგურებას გულისხმობს.