მაისი 21, 2017
135
ძლიერმა სეტყვამ გორის რაიონის სოფლებში - ჯარიაშენსა და ვარიანში ნათესები დააზიანა. ადგილობრივები ყვებიან, რომ ძლიერ წვიმას სეტყვა მოჰყვა, რომელიც 20 წუთის განმავლობაში გრძელდებოდა. დაზიანებულია ბოსტნეულის ნათესები.
გორის რაიონის სოფლებში ორი კვირის წინ ყინვამ ხეხილის ბაღები გაანადგურა. ადგილობრივი მოსახლეობა დახმარებას ითხოვს.
სოფელ სობისში კი წვიმასთან ერთად ძლიერი ქარიც იყო. ათამდე საცხოვრებელი სახლი სახურავის გარეშეა. ვითარებას გადაუღებელი წვიმა კიდევ უფრო ართულებს.
დაზარალებულები ყვებიან, რომ ბოლო ათი დღის განმავლობაში სტიქიამ მათი სახლის სახურავები მეორედ დააზიანა
მაჩვენე მეტი