ბერლინში საკონსტიტუციო ცვლილებებზე იმსჯელებენ. ქართული დელეგაცია გერმანიაში უკვე გაემგზავრა. ორდღიანი კონფერენციის ფარგლებში პარლამენტის წევრები, ექსპერტები და პრეზიდენტის ადმინისტრაციისა და არასამთავრობო ორგანიზაციების წარმომადგენლები ვენეციის კომისიას და უცხოელ ექსპერტებს შეხვდებიან, გაიმართება დისკუსიაც.

ოპოზიცია ყურადღების გამახვილებას მანდატების გადანაწილების, პარლამენტის და პრეზიდენტის არჩევის წესზე აპირებს და იმედოვნებს, რომ მათ წინადადებებს ვენეციის კომისიაც გაიზიარებს. უმრავლესობა კი კომისიისგან მკაცრ შენიშვნებს არ ელოდება, თუმცა რეკომენდაციების გათვალისწინებისთვის მზადყოფნას კიდევ ერთხელ გამოთქვამს.