გერმანიის კანცლერი და უკრაინის პრეზიდენტი აღმოსავლეთ უკრაინაში არსებული დაძაბულობის გამო, რეგიონში უსაფრთხოების მდგომარეობის გაუმჯობესებასა და მინსკის ცეცხლის შეწყვეტის ხელშეკრულების განხორციელებაზე შეთანხმდნენ.

პეტრო პოროშენკო ვიზიტით გერმანიაში იმყოფება. ანგელა მერკელის განცხადებით, პოლიტიკური პროგრესის მისაღწევად მთავარი წინაპირობა უსაფრთხოების მდგომარეობაა. თავის მხრივ, უკრაინის პრეზიდენტმა აღნიშნა, რომ მინსკის შეთანხმებას ალტერნატივა არ აქვს.