მაისი 21, 2017
202
წყალტუბოს რაიონის სოფელ ჟონეთში ზარალის შემსწავლელმა კომისიამ მუშაობა უკვე დაიწყო.
წყალტუბოს მუნიციპალიტეტის წარმომადგენლის კახა იოსელიანის თქმით, ადიდებულმა რიონმა რვა ოჯახი დააზარალა.
ზარალის დათვლის შემდეგ, ხელისუფლება დაზარალებულ ოჯახებს კომპენსაციას გადასცემს.
შეგახსენებთ, რომ უხვი ნალექის გამო ადიდებული მდინარე რიონი გუშინ კალაპოტიდან გადმოვიდა. დაიტბორა საცხოვრებელი სახლები და ეზოები.
ასევე, მოძრაობა შეწყდა ქუთაისი-ალპანას დამაკავშირებელ გზაზე.
როგორც საზოგადოებრივს საავტომობილო გზების დეპარტამენტში განუცხადეს, ამ დროისთვის, წვიმის შედეგად მიყენებული ზიანით, გზებზე შეფერხებები არ არის.
მაჩვენე მეტი