"ბრითიშ პეტროლიუმი", ჩრდილოეთის ზღვაში, 2013 წელს შეჩერებული ოფშორული საბადოების გაცოცხლებას და 2020 წლის ბოლომდე გაერთიანებულ სამეფოში არსებული წარმოების გაორმაგებას აპირებს. ამ პროექტში ბრიტანული ენერგოგიგანტი თავის პარტნიორებთან ერთად 5.7 მილიარდი დოლარის ინვესტიციას ჩადებს.

მხოლოდ წელს აღნიშნულ საბადოებზე "ბი-პი" დღიურ წარმოებას 130 ათას ბარელამდე გაზრდის, 2020 წლისთვის კი დღიური წარმოება ბრიტანულ საბადოებზე 200 000-მდე მოიმატებს. კომპანია წელს შვიდი ახალი პროექტის წამოწყებას აპირებს და ჩრდილოეთის ზღვის საბადოები ამ გეგმიდან რიგით მესამეა.