საფინანსო სექტორის მომხმარებელთა უფლებების დასაცავად, ეროვნულმა ბანკმა, ახალი რეგულაციები გამოაქვეყნა. ის ძალაში პირველი ივნისიდან შევა.
თუ აქამდე მოქმედი რეგულაციები მხოლოდ კომერციულ ბანკებს ავალდებულებდა, ამიერიდან ეს ვალდებულება მიკროსაფინანსო ორგანიზაციებს და საკრედიტო კავშირებსაც დაეკისრება. კერძოდ, ახალი რეგულაციით, ხელშეკრულების თავსართში, მნიშვნელოვანი ინფორმაციის თავმოყრის ვალდებულება იურიდიულ პირებზეც გავრცელდება და თანხობრივი არეალი 200 000 ლარამდე გაიზრდება.
ფინანსურ ორგანიზაციებს ეკისრებათ ვალდებულებები უკვე გაფორმებულ ხელშეკრულებებზეც, კლიენტს ამონაწერი და ხელშეკრულების ასლები უფასოდ მიაწოდონ. ასევე, მომხმარებლის მხრიდან ვალდებულებების, ვადაგადაცილებისას ან რაიმე ცვლილებისას, მიაწოდონ ინფორმაცია დაუყოვნებლივ და არაუგვიანეს 5 სამუშაო დღისა.