გოლდენ სტეიტის არენაზე 14 მაისს მომხდარი ინციდენტის გაგრძელება: ცნობილ ქართველ კალათბურთელსა და მის ოჯახს ემუქრებიან. უსაფრთხოების ზომები ძლიერდება იმ სკოლაში, სადაც ზაზა ფაჩულიას შვილები სწავლობენ. მიზეზი ნაციონალური საკალათბურთო ასოციაციის დასავლეთ კონფერენციის პირველ ფინალურ შეხვედრაზე კავაი ლეონარდთან მომხდარი ინციდენტია, რასაც სან ანტონიოს ლიდერის ტრავმა მოჰყვა. ამ ფაქტის შემდეგ დაზარალებულის მწვრთნელმა ფაჩულია გამიზნულ უხეშობაში დაადანაშაულა, რასაც სოციალურ ქსელში სპერსის გულშემატკივრების მხრიდან აგრესია მოჰყვა.