ინჩირლიკის სამხედრო ბაზა პოლიტიკური შანტაჟის ობიექტია. სირიაში აშშ-ის მეთაურობით მოქმედი საერთაშორისო კოალიციის სამხედრო-საჰაერო ოპერაცია, შესაძლოა, ახლო აღმოსავლეთის ქვეყნების ახალი ბაზებიდანაც წარიმართოს.

მიზეზი თურქეთში მდებარე ნატო-ს ინჩირლიკის ავიაბაზის ირგვლივ არსებული უთანხმოებაა. დაძაბულობა შეინიშნება თურქეთსა და გერმანიას შორის, რის გამოც, ბერლინი თურქეთიდან სამხედროების გაყვანას არ გამორიცხავს.

თურქეთმა ბაზაზე გერმანელი დეპუტატები არ შეუშვა და მოგვიანებით განაცხადა, რომ გერმანელებმა ვიზიტი შეუსაბამო დროს დაგეგმეს.

უთანხმოების მოგვარებას აშშ ცდილობს.