უკვე ერთი თვეა, რაც თბილისის ქუჩებში, გარემოს დაბინძურებისთვის მოქალაქეებს აჯარიმებენ. "თბილსერვის ჯგუფის" ზედამხედველობის სამსახურის ინსპექტორებმა, ამ ხნის მანძილზე, 411 საჯარიმო ოქმი გამოწერეს.

ჯარიმების ოდენობამ სულ 42 ათას ლარს გადააჭარბა. სამასზე მეტი ჯარიმა ორ კილოგრამამდე ნაგვის დაყრისთვის დაიწერა, 151 შემთხვევაში კი, ინსპექტორებმა უცხო ქვეყნის მოქალაქეები დააჯარიმეს.

შეგახსენებთ, ორ კილოგრამამდე ნარჩენებით დაბინძურებისთვის, 80 ლარით დაჯარიმდებით, შენობიდან ნაგვის გადმოყრა კი - 150 ლარით ისჯება.

დღეისათვის ქალაქში ინსპექტირებას 10 ეკიპაჟი ასრულებს.

ისინი კანონდარღვევის ფაქტს სპეციალური სათვალთვალო კამერით აფიქსირებენ.