თურქეთმა ნატო-ს ავსტრიასთან თანამშრომლობის საკითხს ვეტო დაადო. ანკარის ქმედება ავსტრიის მცდელობასთან არის დაკავშირებული, ხელი შეუშალოს თურქეთის ევროკავშირში გაწევრიანებას.
აღსანიშნავია, რომ თურქეთის მიერ დადებული ვეტო, არამხოლოდ ავსტრიასთან, არამედ კიდევ 40-მდე სახელმწიფოსთან თანამშრომლობას ბლოკავს.
ავსტრია ჩრდილო-ატლანტიკურ ალიანსთან სამხედრო საკითხებში მჭიდროდ თანამშრომლობს. 400-მდე ავსტრიელი სამხედრო მოსამსახურე კოსოვოშია განთავსებული.
თურქეთის მიერ დადებული ვეტოს საპასუხო ზომად ალიანსის წევრებმა არაწევრ სახელმწიფოებთან თანამშრომლობის პროცედურის შეცვლა გადაწყვიტეს. ამიერიდან ქვეყნებთან ორმხრივი პარტნიორობა გაფორმდება.
ანკარის ქმედება უპასუხისმგებლობად შეაფასა ავსტრიულმა მხარემ.
წყარო: BBC